PRAMUGARI MANGUNI AIRLINES (MANADO).
“Gud morning vor ngoni samua … Prosedur Keadaan darurat.
Kalu so rasa pidis tu mata, ato pongo talinga, isap jo tu gula2!
Baku iko deng tu peraturan penerbangan, skarang kita mo kase lia pa ngoni bagimana cara pake TALI MAMUDUNG yg ada pa ngoni pe pinggang, BAJU vor BATOBO , dan KOP-KOP OKSIGEN.
Supaya ngoni bole slamat, coba lia kamari bagimana ika itu rim dipinggang; cara kunci pong biar nyanda talapas, beking kencang, deng mo lapas tu tali mamudung.
Baju batobo ada di bawah ngoni pe kadera masing2. Jangan dulu pake sebelum OM KAPTEN kase sein batobo rame2. Eits, itu barang jangan ngoni pinda2 dari de pe tampa, apalagi mo bawa pulang for gantong di salon ato ver moi ruang tamu.
Kalu kita dapa riki, kita mo tampeleng muka blakang atas bawah pa ngoni. Mangarti?
Cara pake tu baju batobo; kase maso lewat leher, kong kunci tu tali bagesper dimuka. Jangan talalu kancang, nanti ngoni flao so nemboleh banapas. Beking pusing pa torang musti tiop ngoni pe mulu pe bobou....ih sese!
Supaya bole timbul di aer, hela jo tu knop warna merah jambu bol, ato tiop jo de pe pipa merah. Inga! Kase gode tu baju diluar pesawat, kalu nda, torang pe tangan mo krol mo tarek pa ngoni samua lantaran so ta prop di pintu!
Kalu kaluar dari pesawat nyanda usah baku rebe neh?...musti baris rupa bebek antre. Holopis kuntul baris!
Kalu tu napas so mulai hosa, masker oksigen mo ciri dari atas pa ngoni pe kapala, hela jo tu kop-kop warna kuning kong pake! Tutu tu idong deng mulu, kase ron jo de pe goro di kapala. Samua mo dapa satu2 tu kop-kop, jangan ambe birman pe masker!
Itu kartu petunjuk darurat ada di popoji kadera, baca2 jo kong hafal mati.
Noh bagitu jo dang, Oom, Tanta, Broer, Zeus!
Rileks jo, kong pikir jo tu nyanda2. Mar jgn maniso pa tu Stewardes, mo dapa skop!
Kalu ada perlu bole trosol pa kita, tindis jo tu knop sablah lampu baca di atas kapala....=))=))
No comments:
Post a Comment